Klassik Azərbaycan filmləri bir həftə ərzində kinoteatrda ödənişsiz nümayiş olunacaq
“Tamaşaçılarımız avqustun 3-dən 10-dək Azərbaycanın klassik filmlərini “CinemaPlus”da ödənişsiz şəkildə izləyə bilərlər”.
“Report” xəbər verir ki, bunu jurnalistlərə açıqlamasında "CinemaPlus" Kinoteatrlar şəbəkəsinin Müşahidə Şurasının sədri Zaur Darabzadə deyib.
Onun sözlərinə görə, bu gün Azərbaycan kinosunun 125, Azərbaycan kinostudiyasının 100 illiyi münasibətilə Azərbaycan klassik filmlərinin təqdimatı həyata keçirilir: “Belə ki, Azərbaycan kinostudiyasının son 100 ildə təqdim etdiyi müxtəlif filmlər yaxın bir həftə ərzində “CinemaPlus” Kinoteatrlar şəbəkəsində təqdim ediləcək”.
“Bakı, Sumqayıt, Naxçıvan və Gəncə şəhərlərinin sakinləri klassik Azərbaycan filmlərini kinoteatrlarda ödənişsiz izləyə bilərlər”,- Z.Darabzadə vurğulayıb.
