Alimlər süni intellekt texnologiyası sayəsində delfinləri dinləyiblər
Alimlər süni intellektdən istifadə edərək nəsli kəsilmək təhlükəsi ilə üzləşən mənsəb və çəhrayı çay delfinlərinin səslərini dinləyiblər.
"Nature" xəbər verir ki, Kataloniya Texniki Universiteti və Mamiraua Davamlı İnkişaf İnstitutunun birgə işində və nəsli kəsilməkdə olan iki delfin növünün hərəkətlərini izləmək məqsədi daşıyan araşdırmada səsləri aşkar etmək üçün süni neyron şəbəkəsinə məlumatlar təqdim edilib. Bu məqsədlə Amazon çayındakı delfinlər nümunə götürülüb.
Tədqiqatçılar Braziliyanın şimalındakı Mamiraua qoruğuna mikrofon yerləşdirməklə delfinlərin səslərini dinləyərək, onların səslərini ayırmaq üçün səs yazılarını insan beyni kimi real vaxtda səsləri təsnif edə bilən süni neyron şəbəkəsinə köçürüblər.
Yağış səslərini ayırd etmək üçün hazırlanmış süni intellekt texnologiyası, qayıq mühərrikləri və delfinlər alimlərə delfinlərin hərəkətlərini izləməyə imkan verib.
Qeyd edilib ki, delfinlərin yerini müəyyən etməyə imkan verən tədqiqat bu canlıların qorunmasına xidmət edə bilər.
Estuar delfinlərinin populyasiyasının hər 9 ildən bir 50 faiz, çəhrayı çay delfinlərinin populyasiyasının isə on ildən bir yüzdə 50 azaldığını bildirən elm adamları delfinlərin yerləşdirilməsinin yerli icmalarla delfinlərin bir yerdə yaşaması üçün tədbirlərin görülməsini asanlaşdıracağını bildiriblər.
