Çin kosmosa balıq göndərəcək
Çin hakimiyyəti kosmosa zebra balığı göndərməyə hazırlaşır. Təcrübə Ayda və ya Marsda hədəflənmiş insan bazalarında dəniz məhsulları yetişdirməyin mümkün olub-olmadığını göstərəcək.
Ölkə hazırda Yer orbitində inşa etdiyi Tiangong kosmik stansiyasında balıq yetişdirmək və dəniz canlılarının kosmik mühitdə necə sağ qala biləcəyini araşdırmaq istəyir.
Balıqlar qapalı və kiçik akvariumlarda saxlanılacaq. Həm Çin, həm də ABŞ 2030-cu ilə qədər Aya astronavt göndərməyi və orada dayanıqlı insan bazası yaratmağı hədəfləyir.
Qeyd edək ki, bu cəhd kosmosa balıq göndərmək üçün ilk olmayacaq. Yer orbitinə göndərilən ilk balıq kiçik bir Atlantik balıq qrupu olan "Mummichogs" olub. Dünyanın ən çirkli su yollarında yaşadığı bilinən bu kiçik balıq, Latın adı "Fundulus heteroclitus", 1973-cü ildə orbitdəki ilk elmi laboratoriya olan "Skylab"a göndərilib.
Beləliklə, bu dəniz canlıları kosmosda ilk balıq adını qazanıblar.
Həmin təcrübənin məqsədi balıqların çəkisiz bir mühitdə necə üzdüyünü görmək idi. Cəmi bir neçə gün ərzində balıq naviqasiya üçün işıqdan istifadə etməyə başlamış və onlarla yumurta qoymağa müvəffəq olmuşdur. Yumurtalardan diri nəsillər də doğulub.
İllər sonra Yaponiya Kosmik Agentliyi də Beynəlxalq Kosmik Stansiyaya kiçik bir medaka balığı məktəbi göndərdi.
2016-cı ildə aparılan təcrübədə balıqların kosmos mühitində insanlardan daha tez təsirləndiyi müəyyən edilib. Bu sürü stansiyaya çatan kimi sümük sıxlığını itirməyə başladı.
Məlumdur ki, insanlarda bu təsir yalnız 20 gündən sonra müşahidə olunmağa başlayır.
Tianqonq kosmos stansiyasına göndəriləcək zebra balığının cazibə qüvvəsi olmayan mühitin canlılara təsiri ilə bağlı yeni ipucları verəcəyi güman edilir.
Balıqların dəqiq nə vaxt göndəriləcəyi müəyyənləşməyib.
