Fateh Sultan Məhmətin Londonda nümayiş etdirilən məşhur portretinin üzərində bu sözlər yazılıb - FOTOLAR
Fateh Sultan Məhmət tərəfindən İtalyan rəssam Gentile Belliniyə sifariş edilən məşhur portretin üzərində latın dilində "Dünyanın Fatehi" yazılıb və əsər London Viktoriya və Albert Muzeyinin ən əhəmiyyətli əsərlərindəndir.
AFN.az-ın Anadolu Agentliyinə istinadən xəbərinə görə, təkcə Fatehin portretini deyil, naxışlı bürünc medalyonu da hazırlayan Bellini İstanbulda olarkən dövrün Osmanlı vətəndaşlarını, onların mənzərələrini, geyimlərini də çəkib.
Rəsmdəki taclar Fatehin mühüm fəthlərini simvollaşdırır.
Əsərin sərgiləndiyi Viktoriya və Albert Muzeyindən verilən məlumata görə, portret İstanbulda çəkilsə də, 16-cı əsrdə yaşamış İtalyan İntibah dövrü rəssamlarının tərcümeyi-hallarını yazan yazıçı Giorgio Vasarinin sözlərinə görə, rəsm Bellininin Venesiyaya qayıtmasından sonra tamamlanıb. İntibah dövründə çəkilmiş ən mühüm müsəlman şəxsiyyətinin portreti olan əsərdə Şərq və Qərb sənətinin simvolları da yer alır.
Portretdə biri yuxarı sağda, biri isə yuxarı solda olmaqla üç tac var. Bu üç tac Şərqi Roma İmperatorluğunun, Yunanıstan Trabzon İmperatorluğunun və Anadolunun fəthi mənasını verən Konyanın fəthi ilə Fateh Mehmetin üç mühüm qələbəsini simvollaşdırır. Rəsmdə Fatih Sultan Mehmet tağlı qapının içərisində görünür. Bu qapının Venesiyadakı Müqəddəs Zəkəriyyə kilsəsinin girişi olduğu düşünülür. Bellininin İstanbula gəlməmişdən əvvəl görmə şansı qazandığı giriş də Osmanlı sənətindəki qapı simvolizminə işarə edir. Osmanlıda “dövlət” mənasında da işlənən Bab sözü həm də ədalətin bərqərar olduğu yer mənasındadır. Müqəddəs Zəkəriyyə kilsəsinin qapısı şərdən yaxşılığa girişi simvolizə edir.
Rəsmdə tağlı girişin iki aşağı ucunda iki yazı önə çıxır. Zaman keçdikcə qismən oxunmayan mətndə “1480, noyabrın 25-i” və latınca “Viktor Orbis (Dünyanın Fatehi)” ifadəsi var. Muzeydə Fatih Sultan Mehmetin naxışlı, biri də Bellini tərəfindən hazırlanmış üç medalyon da sərgilənir. Bellininin sikkəsinin arxa tərəfində rəsmdəki kimi üç tac var. Konstansa de Ferrera medalyonunun arxa tərəfində Fateh at üzərində, Bertoldo di Covanni əsərinin arxa tərəfində isə faytonda olan gəncin relyefi təsvir edilmişdir.
