4 yaşlı oğlunu öldürən qadından dəhşətli sözlər: Kaş başqa cür ölsəydi...
Ötən il İstanbulun Beylikdüzündə 4 yaşlı oğlunu ürəyindən bıçaqlayaraq boğazını kəsən Sarah Olabi məhkəmədə peşman olduğunu bildirib.
AFN.az Türkiyə mediasına istinadən xəbər verir ki, dəhşətli əməli törədən qadın "Bunun necə baş verdiyini bilmirəm" deyib. Məhkəmə bundan əmin olmaq üçün Məhkəmə Tibb Ekspertizası İnstitutunun 4-cü İxtisas Kollegiyasından müttəhimin cinayət qabiliyyətinə görə də rəy verməsini xahiş edib.
İclasda çıxış etmək hüququ verilən Sarah Olabinin həyat yoldaşı Əbdül Kərim Tahan "Şikayət etmirəm. Həyat yoldaşımın xəstə olduğunu bilirdim. Hazırda həbsdə olduğunu, sağaldığını bilirəm. Mən onun azadlığa buraxılmasını istəyirəm" - deyə ifadə verib.
Çox peşman və üzgün olduğunu deyən Sarah Olabi ifadəsində deyib: "İndi daha yaxşıyam. 5 ay xəstəxanada qaldım. Suriyada olarkən üstümə şüşə qırıldı, çox qorxdum. Mən bunun necə baş verdiyini bilmirəm. Kaş ki, uşağım başqa cür həyatını itirsəydi..."
Məhkəmə kollegiyası Məhkəmə Tibb İnstitutunun 4-cü İxtisas Şurasından Sara Olabının cinayət qabiliyyətinin olub-olmaması ilə bağlı hesabat hazırlamasını istəyib. İclas bu üzdən təxirə salınıb.
Bakırköy Respublika Prokurorluğu tərəfindən hazırlanan iddianamədə Sarah Olabinin hüquq-mühafizə mərhələsindəki ifadəsi yer alıb. Açıqlamasında 11 ildir psixoloji pozğunluğu olduğunu bildirən Olabi deyib: "Bir həftə əvvəl anam və körpəmlə İstanbula anam və övladımla birgə gəlmişdik. Ata evimdə ögey anam və ögey qardaş-bacımla yaşayırdıq. Gecə kabus görürdüm. Oğlumu aparacaqlarını görürdüm, ona görə də onu qucaqlayıb sıxdım ki, aparmasinlar. Ağzından qan gəldiyini görüb çarpayıya qoydum. Hərəkətsiz uzanmışdı. Onu belə görəndə mətbəxə getdim, bıçağı alıb otağa qayıtdım. Özümü öldürmək üçün biləklərimi və sinəmi kəsdim. Özüm öldükdən sonra oğlumu aparmasınlar deyə onu da kəsdim. Sonra özümü itirdim, yadımda deyil nə oldu. Özümə gələndə dilimi kəsdim və kəsdiyim parçanı uşağımın yanına atdım. Bir neçə dəfə qapı döyüldü, açmadım. Sonra otağa ögey bacılarım Əmmar, Hüzafə və atam girdilər. Heç kəsi incitmək istəmirdim, gecə gördüyüm kabusa görə belə etdim. Uşağımı aparmasınlar deyə özümü itirdim".
İttihamnamədə Mohamad Tahanın ölümünün dəqiq səbəbinin damar zədələrindən daxili və xarici qanaxma nəticəsində baş verdiyi bildirilib. İstintaq materiallarında anası tərəfindən öldürülən uşağın boğazının kəsildiyi, ürəyinin, ciyərlərinin çıxarıldığı, müttəhimin isə topuq və biləklərini kəsərək intihara cəhd etdiyi də qeyd edilib.
Sarah Olabinin 4 yaşlı oğlunu dəhşətli işgəncə ilə öldürmək cinayətinə görə ağırlaşdırılmış ömürlük həbsi tələb edilib.
