Sahibini dişləyən pişik az qala onu öldürəcəkdi
Odessada sahibinə hücum edən pişik, az qala onu öldürəcəkdi.
Qadını dişləyərək radial arteriyasını zədələyən pişiyin yaratdığı ölüm təhlükəsindən sahibəsini həkimlərin tez müdaxiləsi xilas edib.
Hadisənin təfərrüatları barədə Odessa vilayətinin Təcili Tibbi Yardım və Fəlakət Təbabəti Mərkəzinin Facebook səhifəsində məlumat verilib.
Bildirilib ki, mərkəzə qanaxmadan huşunu itirəcək həddə olan qadın zəng edib. Dərhal göstərilən ünvana həkim briqadası göndərilib. Həkimlər 7 dəqiqəyə hadisə yerinə gəlib və əslində qadının həyatını xilas edən də bu olub. Məlum olub ki, pişik xəstənin radial arteriyasını dişləyib. Qurban arterial qanaxma və hemorragik şok keçirib. Həkimlər vəziyyəti tez qiymətləndirərək infuziyaları sistemə birləşdirən turniket tətbiq ediblər. Sonra feldşer əlavə briqada çağırıb. Xəsarət alan qadının vəziyyəti sabitləşərək xəstəxanaya çatdırılıb.
Radial arteriya ön qolda yerləşir və brakiyal arteriyanın davamıdır.
O, həmçinin bilək və dirsək vasitəsilə uzanır və nəbzi saymaq üçün istifadə olunur. Heyvanın dişlərini təsadüfən bu arteriyaya ilişdirdiyi ehtimal edilir.
Arteriya zədələnirsə, qan çox tez axmağa başlayır, buna görə də təcili turniket tətbiq etmək və qanaxmanı dayandırmaq vacibdir.
