Valeri Meladzenin Rusiyada planlaşdırılan konsertləri ləğv edildi
Bu yaxınlarda İsraildəki konsertində "Slava geroyam" şüarını səsləndirən məşhur ifaçı Valeri Meladzenin Rusiyada planlaşdırılan konsertləri bir-birinin ardınca ləğv olunur.
AFN.az TASS-a istinadən xəbər verir ki, Valeri Meladzenin Novosibirsk, Barnaul və Kemerovoda aprel ayına planlaşdırılan konsertləri ləğv edilib. Bu barədə TASS-a “City Spectacular Bilet Kassaları” avtomatlaşdırılmış bilet satışı və bronlaşdırma sistemindən məlumat verilib.
Ləğv edilən konsertlər aprelin 26, 29 və 30-da baş tutmalı idi. Agentliyə məlumat verən mənbə biletlərin geri qaytarılmasının mümkün olduğunu bildirib.
İfaçının aprelin 27-də çıxış etməli olduğu Kemerovodakı “Arena” idman-əyləncə kompleksinin saytında konsertlə bağlı məlumat yoxdur. Bundan əvvəl müğənninin Krasnoyarsk və İrkutskdakı çıxışları ləğv edilib.
