İstanbuldakı terror aktının əsas fiqurlardan biri tutuldu
Türkiyənin İstanbul şəhərində baş verən terrorda əli olan daha bir şəxs tutulub.
Taksimdəki hadisənin törədilməsində əli olan Bilal Həsəni Ədirnədə qarşılayan və onun xaricə qaçmasına kömək edən Hüseyn Günəş də nəzarətə alınıb.
Həsəni vilayətdən çıxaran Ammar Jarkasın ifadəsi ilə Günəşin yeri məlum olub.
Ammar Jarkas ifadəsində onu da deyib ki, Kobanidəki Halil Mence zəng edərək Bilal və Ahlam Albaşiri aparmağı üçün onu yanına çağırıb.
Mənbə: Haber Global
11:36
Türkiyənin İstanbul şəhərində altı nəfərin ölümü, 81 nəfərin yaralanması ilə nəticələnən terror hadisəsini həyata keçirən Ahlam Albaşir də daxil olmaqla 51 nəfər saxlanılıb.
Albaşirin də aralarında olduğu 17 şübhəli “dövlətin birliyini və bütövlüyünü pozmaq”, “qəsdən öldürmək”, “qəsdən öldürməyə kömək etmək”, “qəsdən öldürməyə cəhd” maddələri ilə həbs edilib. Üç şübhəli məhkəmə nəzarəti şərti ilə sərbəst buraxılıb.
Prokurorluq tərəfindən sərbəst buraxılan 29 şübhəli isə deportasiya ediləcək.
Mənbə: DHA
