Ukraynadan Avropaya açıq etiraz
Ukrayna Prezident Ofisi rəhbərinin müşaviri, Ukrayna-Rusiya danışqıalrında Ukrayna nümayəndə heyətinin rəhbəri Mixail Podolyak Avropadan şikayətlənir.
Podolyak, bu barədə Tvitter səhifəsində yazıb.
O, bildirib:"Təəssüf ki, Avropa hələ də nəticələr çıxarmayıb. Beləliklə qan axmağa davam edəcək". Üstəlik, Fransa prezidenti Makron artıq birbaşa olaraq Avropanın özündə “böyük müharibə”nin mümkünlüyündən danışır. Və nə? Və heç nə... Avropa şirkətləri Rusiyanı tərk etmək istəmirlər. Dünya bankları Rusiyanın ehtiyatlarında “oturmaq” üçün yollar axtarır.
Alman iş adamları isə elə davranmaq istəyirlər ki, heç nə baş vermir. Odur ki, kansler Şolz öz qərarsızlığına haqq qazandırmağa çalışaraq, müharibənin müəllifi kimi sadə ruslar ilə Putini ayırmağı təklif etməsi təəccüblü deyil. Sanki heç də eyni şey deyil. Və belə görünür ki, Ukrayna vətəndaşlarını canlı güllələyən 200 minlik rus əsgərləri Rusiya vətəndaşları DEYİL, onların ailələri də orada yaşamırlar.
Təəssüf ki, bu, Avropada son dərəcə yanlış və zərərli tendensiya kimi görünür. Rusiyayönlü lobbiçilər də aktiv fəaliyyət göstərirlər. Ancaq əsas şeyi yaxşı xatırlamalıyıq: rəsmi olaraq rusların 71% (bu gün yenilənən məlumatlara görə - 86,4%) Ukraynaya qarşı müharibəni və vətəndaşlarımızın kütləvi şəkildə öldürülməsini qəti şəkildə dəstəkləyir.
Bir daha rus cannibalizminin rəqəmlərinə diqqətlə baxın. Yenə də illüziyalardan qurtulun, avropalı dostlarımız".
