Kardioloq: “Ürək-damar xəstəlikləri olan bütün pasiyentlər vaksin vurdurmalıdır”
“Ürək-damar sistemi xəstəlikləri olan bütün pasiyentlər əlavə yan təsiri olmayacaqsa, mütləq şəkildə peyvənd olunmalıdır".
Bunu Səhiyyə Nazirliyinin mütəxəssis-eksperti, kardioloq İlqar Tahiroğlu deyib. Mütəxəssis bildirib ki, koronavirus yeni xəstəlik olduğundan elmi araşdırmalar tam deyil: "Ona görə də virusun günəş şüaları təsirindən məhv olması barədə dəqiq nəsə demək mümkün deyil. Bu baxımdan vaksinasiya COVID-19-dan qorunmağın yeganə yoludur. Çünki vaksin vurduran şəxslər xəstəliyə yoluxsa da, bunu yüngül keçirmiş olacaqlar”.
