Qarabağdakı məğlubiyyətə görə Ermənistanda 900-ə yaxın cinayət işi açılıb
İkinci Qarabağ müharibəsində istər hərbi komandanlıq, istərsə də siyasi rəhbərlik tərəfindən törədilən qanunsuz hərəkətlərin araşdırılması üçün Ermənistanda 882 cinayət işi açılıb.
“Report” “Sputnik Armeniya”ya istinadən xəbər verir ki, araşdırmanı Xüsusi İstintaq Xidməti, Milli Təhlükəsizlik Xidmətinin İstintaq komitəsi və İstintaq şöbəsi aparacaq.
Məlumata görə, onlarla insana ittiham irəli sürülüb. Araşdırmalar rusiyalı hərbi jurnalist Semyon Peqovun (“WarGonzo” layihəsinin müəllifi) videoreportajları da daxil olmaqla, Dağlıq Qarabağdakı qondarma rejimin rəhbəri Araik Arutyunyanın telefon danışıqları, “müdafiə ordusu”nun keçmiş komandanı, müharibə dövründə qondrama “təhlükəsizlik şurasının” katibi Samvel Babayanın müsahibəsi və s. materialalr əsasında aparılacaq.
