Ermənistan statistikanı gizlədir: itkiləri 15 mindən çoxdur – AÇIQLAMA
"Ermənistan müharibədə ölənlərlə bağlı statistikanı açıqlaya bilmir. Onların itkiləri 10-15 mindən çoxdur".
Bunu Qaynarinfo-ya açıqlamasında hərbi ekspert Emin Həsənli Ermənistanın Vatikandakı keçmiş səfiri Mikael Minasyanın savaşda 5 mindən çox erməni hərbçisinin həlak olması ilə bağlı fikirinə aydınlıq gətirərkən deyib. Ekspert qeyd edib ki, ermənistan Azərbaycandan 5 dəfə çox itki verib:
"Ermənistanın itkiləri çoxdur, gizlədirlər. Ermənistanın itkiləri üç qrupa bölünür.
1. "Qarabağ"dakı insanlar, onların qeydiyyatı yoxdur. Onların meyiti Ermənistana aparılmır. Öldü, vəssalam, elə oradaca dəfn edirlər;
2. Muzdlular;
3. Ermənistanın öz vətəndaşları.
Kiçik döyüşlər olanda belə Ermənistan itkilərini gizlədib. Tovuz hadisələrində yüzlərlə adam itirib, 2016-cı ilin Aprel döyüşlərində 500-dən çox vətəndaşı ölüb. Hərəsinə bir ad qoyub. Çayda boğulub, maşın qəzasında ölüb, beləcə, ölmüşlərin ailələrinə məlumat verirdilər".
Emin həsənli hesab edir ki, indi bunu gizlətmək mümkün deyil:
"Həm əsirləri çoxdur, həm itkiləri. Ermənistanın vəziyyəti çox pisdir, həm texnikalarını itiriblər, həm 30 ildir vermək istəmədikləri torpaqları, həm də yüksəkliklər əllərində ola-ola məğlub olublar. Həm də xalqı aldadıblar ki, onların məğlubedilməz ordusu var".
Qeyd edək ki, Ermənistanın Vatikandakı keçmiş səfiri Mikael Minasyan Ermənistanın müharibədə itkilərinin sayını açıqlayıb. O, 5 mindən çox erməni hərbçisinin həlak olduğunu, minlərlə insanın itkin düşdüyünü deyib.
