Sabiq Daxili İşlər naziri İsgəndər Həmidov vəfat etdi
Azərbaycanın sabiq Daxili İşlər naziri İsgəndər Həmidov vəfat edib.
AFN xəbər verir ki, bu barədə Tibb elmləri doktoru, professor Adil Qeybulla özünün facebook səhifəsində bildirib.
Qeyd edək ki, yanvar ayının 24-də İsgəndər Həmidovun halı qəflətən pisləşib və o, huşunu itirib. Əvvəlcə Mərkəzi Klinik Xəstəxanasının reanimasiya şöbəsinə yerləşdirilən İ.Həmidov sonradan “Bakı City Hospital”a köçürülmüşdü.
Xatırladaq ki, İ.Həmidov 1948-ci ilin oktyabrın 4-də Kəlbəcər rayonunda anadan olub. 1992-ci il mayın 16-dan 1993-cü il aprelin 16-a qədər Azərbaycan Respublikasının Daxili İşlər naziri vəzifəsində çalışıb.
