Bəzi sahibkarlar yoxlamaların dayandırılmasından sui-istifadə etdilər- Əli Məsimli
“Obyektlərdə yoxlamaların dayandırılması sahibkarlığın inkişafı üçün çox vacib rol oynadı. Amma bundan sui-istifadə halları da mövcuddur. Həmin şəxslər Azərbaycanı keyfiyyətsiz məhsulların satış poliqonuna çevirmək istəyirlər”.
Bu barədə Milli Məclisin bu gün keçirilən plenar iclasında deputat Əli Məsimli danışıb. Onun sözlərinə görə, həmin sahibkarlar bu məsələdə xeyli problemlər yaradıblar:
“Bu cür halların aradan qaldırılması üçün Qida Təhlükəsizliyi Agentliyi addımlar atır. Təklif edirəm ki, agentliyin səmərəli fəaliyyəti üçün “Qida təhlükəsizliyi haqqında” qanun layihəsi hazırlansın. Bununla bağlı digər qanunvericilik aktlarına da dəyişiklik edilməsini vacib hesab edirəm”.
