Bakıda mikroavtobus qəzaya uğradı: 19 nəfər yaralanıb - YENİLƏNİB
<p>TƏBİB-dən sorğumuza cavab olaraq bildirilib ki, <b>Qala-Pirallahı yolunda baş verən yol-nəqliyyat hadisəsi</b> səbəbilə bu gün saat 06:30 radələrindən etibarən 19 nəfər (18 qadın, 1 kişi) Sabunçu Tibb Mərkəzinin Təcili tibbi yardım şöbəsinə hospitalizasiya olunub.</p>
<p>Onların hər birinə zəruri tibbi xidmətlər göstərilib. <i>Vəziyyətləri qənaətbəxş qiymətləndirilən 12 nəfər ambulator müalicə üçün evə buraxılıb</i>. Hazırda tibb müəssisəsində 7 nəfərin müayinə və müalicəsi davam etdirilir. Vəziyyətləri orta ağır qiymətləndirilir.</p>
***
<p>Bakı şəhər DYP İdarəsindən bildirilib ki, bu gün səhər saat 06:00 radələrində paytaxtın Xəzər rayonu Qala-Pirallahı avtomobil yolunda yol-nəqliyyat hadisəsi baş verib.</p>
<p>“Hyundai” markalı, 99-XM-330 dövlət qeydiyyat nişanlı minik avtomobili ilə “Mercedes” markalı, 10-XE-462 dövlət qeydiyyat nişanlı mikroavtobus toqquşub. Hadisə nəticəsində 3 nəfər xəsarət alıb. Hazırda faktla bağlı araşdırma aparılır.</p>
***
<p><b>Bakıda ağır yol-nəqliyyat hadisəsi baş verib</b>. AFN.az “Report”a istinadən xəbər verir ki, hadisə Xəzər rayonu ərazisində qeydə alınıb.</p>
<p><i>Sərnişin daşıyan mikroavtobusla minik avtomobili toqquşub</i>. Nəticədə 10-dan çox adam xəsarət alıb. Yaralılar xəstəxanaya çatdırılıb. Faktla bağlı araşdırma aparılır.</p>
