Ağ Ev: Suriyada müvəqqəti hakimiyyət orqanlarının legitimliyi ilə bağlı suallar var
Suriyada dini azlıqlara edilən hücumlar Suriyanın müvəqqəti hökumətinin dini və etnik cəhətdən müxtəlif əhalini özündə birləşdirməyə hazır olub-olmaması və hətta bunu etməyə legitimliyinin olub-olmaması ilə bağlı ciddi narahatlıqlar yaradıb.
AFN.az xarici mediaya istinadən xəbər verir ki, bunu Ağ Ev Milli Təhlükəsizlik Şurasının sözçüsü Ceyms Hevitt deyib. O, Dəməşq ilə kürdlərin rəhbərlik etdiyi Suriya Demokratik Qüvvələri (SDQ) arasında son razılaşmanı alqışlayaraq, danışıqlar masası arxasında razılaşmanın döyüş meydanında razılaşmaya üstünlük verilməsini müsbət qiymətləndirib.
"ABŞ Suriyanı və onun liderlərinin qəbul etdiyi qərarları izləməyə davam edəcək", - Hevitt bildirib.
