ABŞ-da ən çox axtarılan narkotik tacirlərindən biri Meksikada tutulub
Qvatemala səlahiyyətliləri ABŞ-ın ən çox axtarılan narkotik tacirlərindən birinin Meksikada keçirilən əməliyyat nəticəsində ələ keçirildiyini açıqlayıb.
Qvatemala Daxili İşlər Naziri Fransisko Ximenez X sosial media platformasında verdiyi açıqlamada Meksikanın Çiapas şəhərində əsir götürülən Qvatemalalı Baldomero Samayoa Recinosun onlara təhvil verildiyini bildirib.
Samayoanın Meksika sərhədində yerləşən Qvatemalanın Huehuetenanqo əyalətində kokain ticarəti ilə məşğul olan “Los Huistas” kartelinin liderlərindən biri olduğunu bildirən Ximenez narkotik tacirlərinə ciddi zərbə vurulduğunu qeyd edib.
Ximenez əməliyyatın Meksikada ABŞ, Meksika və Qvatemala səlahiyyətlilərinin əməkdaşlığı ilə həyata keçirildiyini və Samayoanın ABŞ-da ən çox axtarılan narkotik tacirlərindən biri olduğunu vurğulayıb.
Qvatemalanın şimalında müxtəlif cinayətlərdə əli olduğu iddia edilən və bölgədəki siyasətçilərlə əlaqəsi olan "Los Huistas" karteli 2012-ci ildən bəri ABŞ Maliyyə Nazirliyinin sanksiyaları ilə üzləşir.
