KİV: Avstriya 12 İtalyan M-346 FA qırıcısı almağı planlaşdırır
Avstriya istifadəsi 2020-ci ilin sonunda dayandırılan "Saab 105" təyyarəsini əvəz etmək üçün 12 ədəd İtaliya istehsalı olan M-346 FA döyüş təyyarəsi almağı planlaşdırır.
AFN.az xəbər verir ki, bu barədə "Krone" qəzeti yazıb. Nəşrin mənbələrə istinadən verdiyi məlumata görə, İtaliyanın "Leonardo" şirkətinin istehsalı olan təyyarələrin tədarükü üçün İtaliya Müdafiə Nazirliyi ilə niyyət sazişi imzalanmalıdır.
Avstriya xəbər agentliyinin verdiyi məlumata görə, nazirlik planlaşdırılan alışı təsdiqləyib.
Qəzet yazır ki, alışın ümumi dəyəri hələ müəyyən edilməyib, lakin büdcəyə təxminən 1 milyard avro daxildir. Bu yay Avstriya mediası neytral ölkənin M-346 FA qırıcılarını almağa hazırlaşdığını bildirdi.
Qəzet yazır ki, onlar pilotların hazırlanması, quru qoşunlarının və hava hücumundan müdafiənin dəstəklənməsi üçün istifadə olunacaq.
