Dünya Bankı Fələstinə dəyən ziyanı 14-20 milyard dollar qiymətləndirir
Fələstindəki hərbi əməliyyatlar təqribən 14-20 milyard dollar dəyərində dağıntılara səbəb olub.
AFN.az xəbər verir ki, bunu Dünya Bankının (DB) prezidenti Ajay Banqa "Reuters"ə müsahibəsində bildirib.
O, qeyd edib ki, Dünya Bankının BMT və Aİ ilə birgə apardığı cari hesablamalara görə Fələstində əmlaka dəyən ziyan indi 14-20 milyard dollara yaxındır. "Bu müharibənin iqtisadi ziyanı böyük ölçüdə onun nə qədər yayılacağından asılıdır" - deyə Banqa əlavə edib. Onun sözlərinə görə, əgər müharibə yayılmasa, bu, çox güman ki, qlobal iqtisadi sistemə daha az ziyan vuracaq, çünki Qəzza və Fələstin qlobal iqtisadiyyata nisbətən az töhfə verir. "Əgər o, bölgəyə yayılarsa, bu, tamamilə fərqli bir problem olacaq, çünki o, həm dollar, həm də qalıqlar, metallar, neft və sair baxımından dünya iqtisadiyyatına daha çox töhfə verən yerlərə gedəcək" - deyə Dünya Bankının prezidenti bildirib.
