İranda neft zavodunda partlayış olub
İranın Simnan vilayətində neft obyektində baş verən qəza partlayışlara səbəb olub.
İranın rəsmi xəbər agentliyi İRNA-nın məlumatına görə, Simnan vilayətinin Germsar şəhərindəki neft müəssisəsində baş verən qəza 3 partlayışa səbəb olub.
Partlayışlardan sonra başlayan yanğına yanğınsöndürənlər müdaxilə edib. Uzun səylərdən sonra yanğın nəzarət altına alınıb, lakin yanğın zamanı 2 nəfər ağır xəsarət alıb.
Qəzanın hansı səbəbdən baş verdiyi barədə məlumat verilməyib.
