Filippində tropik qasırğalar nəticəsində 23 nəfər ölüb
Filippində "Ferdi", "Gener" və "Helen" adlı tropik fırtınalarda 23 nəfər həyatını itirib.
Filippin Xəbər Agentliyinin (PNA) məlumatına görə, Milli Fəlakət Riskinin Azaldılması və İdarə Edilməsi Şurası (NDRRMC) fırtınalarla bağlı açıqlama verib.
NDRRMC fırtınalar nəticəsində 23 nəfərin öldüyünü, 13 nəfərin yaralandığını, 15 nəfərin isə hələ də itkin düşdüyünü bildirib.
Fırtınalardan təxminən bir milyon insanın təsirləndiyini bildirən NDRRMC, 63 min insanın sığınacaqlara təxliyə edildiyini açıqlayıb.
Mənbə: AA
