AB "Meta"nı 13,5 milyard dollar cərimələyə bilər
Amerikanın "Meta Platforms Inc" korporasiyası Avropa İttifaqının rəqəmsal qanunvericiliyinin pozulmasına və məxfi reklam bazarında hökmranlıq etmək cəhdlərinə görə böyük məbləğdə cərimə ilə üzləşə bilər.
AFN.az xəbər verir ki, bu barədə “Financial Times” öz mənbələrinə istinadən məlumat yayıb. İcma tənzimləyiciləri hesab edir ki, feyzbukun ana şirkəti rəqiblərini zəiflətmək üçün pulsuz "Marketplace" xidmətini sosial şəbəkə ilə əlaqələndirir. Texnologiya nəhəngi ilə bağlı antiinhisar təhqiqatı 2019-cu ildə rəqiblərinin feyzbukun platformada topladığı məlumatlardan mənfəət əldə edərkən pulsuz xidmətlər təklif edərək dominant mövqeyindən sui-istifadə etməsi ittihamlarından sonra başlayıb.
Əgər "Meta Platforms Inc." təqsirli bilinərsə, şirkət 2023-cü ildə demək olar ki, 135 milyard dollar təşkil edən qlobal illik gəlirinin 10%-i qədər cərimələnəcək. "Lakin tənzimləyicilər adətən daha yumşaq sanksiyalar tətbiq edirlər" - deyə nəşrin mənbəsi xatırladıb. Məsələdən birbaşa xəbəri olan üç məmur nəşrə bildirib ki, Brüssel bu məsələ ilə bağlı gələn ay qərar verə bilər.
Avropa Komissiyası məsələ ilə bağlı şərh verməkdən imtina edib. "Meta Platformalar Inc." isə məsələ ilə bağlı daha əvvəl verdiyi bəyanatı xatırladıb: "AK-nin iddiaları əsassızdır. Biz innovativ məhsullarımızın istehlakçı yönümlü və rəqabətə davamlı olduğunu nümayiş etdirmək üçün tənzimləyicilərlə işləməyə davam edirik".
