Estoniyada SS əsgərinə abidə qoyulmasının qarşısı alnııb
Estoniya polisi və ölkənin Sərhəd Mühafizə İdarəsi Lixula şəhərində SS əsgərinə abidənin ucaldılması cəhdinin qarşısını alıb.
AFN.az bu barədə yerli mediaya istinadən xəbər verir.
Hadisə avqustun 31-də baş verib. Belə ki, Laane prefekturasının əməliyyat rəhbəri Üllar Küttün dediyinə görə, polis abidənin üzərində təsvir olunan simvolizmin mənasını qiymətləndirmək və onun icazəli və ya qeyri-qanuni olduğuna əmin olmaq üçün abidəni götürüb. O, qadağan olunmuş rəmzləri ictimaiyyətə göstərmək mümkün olmasa da, abidəni görkəmli bir yerdə quraşdırmağı planlaşdırdıqlarını vurğulayıb.
“Dünən polis tərəfindən nəzarətə alınan abidə 2004-cü ildə Lihuladan köçürülmüş abidəyə çox bənzəyir və simvollar nasist Almaniyasının ordusu ilə əlaqəli ola bilər. Həmin vaxt abidə cəmiyyətdə qarşıdurmalara, fikir ayrılıqlarına səbəb olub və deməyə əsas var ki, indi bu, cəmiyyətin parçalanmasına, ictimai asayişin pozulmasına gətirib çıxara bilər”, - deyə polisdən verilən açıqlamada bildirilib.
2004-cü ilin avqustunda ucaldılan orijinal abidədə SS geyimində əsgər təsvir edilib, həmçinin üzərində “1940-45-ci illərdə bolşevizmə qarşı və Estoniyanın müstəqilliyinin bərpası uğrunda vuruşan estonlara” yazısı olub. Abidə həmin ilin sentyabrında götürülüb və hazırda Azadlıq Mübarizəsi Muzeyində saxlanır.
