İspaniyada müsəlmanları təhqir edən bələdiyyə sədri cərimələnib
İspaniyanın şərqindəki Kataloniya muxtar hökuməti ifrat sağçı bələdiyyə sədrini iştirak etdiyi televiziya proqramında müsəlmanları təhqir etdiyinə görə 10 min avro cərimələyib.
Kataloniyanın Girona şəhərinin Ripoll rayonunun meri və Kataloniyanın yerli parlamentində katalon millətçi ifrat sağçı Aliança Katalana partiyasının üzvü olan Silvia Orriols barəsində islamofob bəyanatlarından sonra açılan istintaq çərçivəsində cərimələnib.
Kataloniya bölgəsində islamofobiya və ksenofobiya ilə mübarizə məqsədi daşıyan qanuna uyğun olaraq 10 min avro cərimələnən Orriols 8TV televiziyasına verdiyi açıqlamada Kataloniyada yaşayan müsəlmanların Kataloniyanın kimliyinə təhdid olduğunu bildirib.
Orriols verdiyi yazılı açıqlamada aldığı cəzanın ifadə azadlığına hücum olduğunu müdafiə edib.
Mənbə: AA
