Bayden Rusiya ilə məhbus mübadiləsindən danışıb
Amerika prezidenti Co Bayden Rusiya və ABŞ arasında avqust ayında məhbus mübadiləsinin dünya tarixinin "ən mürəkkəb proseslərindən biri" olduğunu deyib.
"Qeyri-qanuni həbs edilmiş amerikalıları və digər ölkələrin vətəndaşlarını Rusiyadan evə gətirmək üçün gecə-gündüz işləmək tarixin ən mürəkkəb mübadilələrindən biri idi. Lakin məhbuslar indi evdədirlər" - deyə ABŞ lideri bildirib.
Avqustun 1-də Ankara hava limanında aparılan mübadilə nəticəsində bir sıra NATO ölkələrində saxlanılaraq həbsdə olan 8 Rusiya vətəndaşı, həmçinin azyaşlı uşaqlar vətənlərinə qaytarılıb. Həmçinin Rusiyada saxlanan bır sıra əcnəbi vətəndaşlar ölkələrinə qaytarılıb.
