"Johnson & Johnson" ABŞ ştatlarına 700 milyon dollar ödəməyə razılaşıb
ABŞ-ın kosmetika və gigiyenik məhsullar istehsalçısı "Johnson & Johnson" körpə pudrası və digər məhsulların xərçəngə səbəb olması iddiası ilə 42 ştat və paytaxt Vaşinqton tərəfindən aparılan araşdırmaları həll etmək üçün 700 milyon dollar ödəməyə razılaşıb.
İstintaq "Johnson & Johnson"un əldə etdiyi razılaşma ilə həll edilib.
Şirkət Florida, Şimali Karolina və Texas da daxil olmaqla 42 ştat və paytaxt Vaşinqtonla bağladığı müqavilədə 700 milyon dollar ödəməyə razılaşıb.
Lakin "Johnson & Johnson" iddiaları rədd edərək, məhsullarının təhlükəsiz olduğunu və xərçəngə səbəb olmadığını bildirib.
"Johnson & Johnson" yanvarda sözügedən ştatlarla prinsipial razılığa gəldiyini açıqlamışdı.
Digər tərəfdən şirkətə qarşı daha çox yumurtalıq xərçəngi olan qadınların açdığı on minlərlə iddia davam edir.
