Kolumbiya İsraili Qəzzada kütləvi qətl törətməkdə ittiham edib
Kolumbiya prezidenti Qustavo Petro İsraili Qəzzada dinc əhaliyə qarşı kütləvi qətl törətməkdə ittiham edib.
Kolumbiya Prezidenti Qustavo Petro X sosial media hesabındakı paylaşımında Birləşmiş Millətlər Təşkilatının (BMT) İsraili "münaqişə zonalarında uşaqlara zərər verən" ölkələr siyahısına əlavə etməsi ilə bağlı xəbərdən sitat gətirib.
Petro "Uşaq qatilləri. Bu gün fələstinli uşaqların kütləvi qətlini dəstəkləyən hər kəs, nasistlərin Holokostu həyata keçirdiyi dövrdə yaşayıb buna biganə qalanlar kimi dünya tarixinin qaranlıq səhifələrində öz yerini tutacaq" qiymətləndirməsini edib.
