İstifadəçilər "ChatGPT" ilə bağlı problemlərdən şikayətçidilər
Müxtəlif ölkələrdən olan istifadəçilər ChatGPT neyron şəbəkəsində problemlərdən şikayət ediblər.
Bu barədə məşhur internet resurslarının problemlərini və ya kəsilməsini izləyən "Downdetector" veb-saytının məlumatlarında qeyd edilib.
Ən çox şikayət ABŞ-dan (2,3 mindən çox) daxil olub. Bundan əlavə problemlər Almaniya (800-dən çox) və Böyük Britaniyada (təxminən 700), ən az isə Kanada və İsraildən bildirilib.
İstifadəçilər həmçinin internet saytının fəaliyyətindən və çatbotu hazırlayan "OpenAI" şirkətinin tətbiqindən şikayət ediblər.
