Almaniyada Çinin xeyrinə casusluq etdiyi iddia edilən şəxs saxlanılıb
Almaniyada Almaniya üçün Alternativ (AfD) Partiyasının deputatı, Avropa Parlamentinin (AP) üzvü Maksimilian Krah üçün çalışan Jian G-nin Çin adına casusluq ittihamı ilə saxlanıldığı açıqlanıb.
Federal Prokurorluğun verdiyi açıqlamaya görə, Drezdendə saxlanılan Almaniya vətəndaşı Jian G xarici kəşfiyyat xidmətinə casusluq etməkdə günahlandırılıb.
Axtarışlar 2019-cu ildən AP millət vəkili ilə işləyən Jian G-nin evində aparılıb.
Jian G-nin Çin məxfi xidmətində işləməkdə günahlandırıldığına dair məlumatların yer aldığı açıqlamada Jian G-nin 2024-cü ilin yanvarında onu vəzifələndirənlərə AP-dəki danışıqlar və qərarlar haqqında məlumat verdiyi iddia edilib.
Açıqlamada şübhəlinin Almaniyadakı Çinli müxaliflərə də kəşfiyyat xidməti üçün casusluq etdiyi bildirilib.
Şübhəlinin həbsi barədə vəsatətlə bu gün hakim qarşısına çıxarılacağı paylaşılıb.
Alman mətbuatında çıxan xəbərlərdə Jian G-nin AfD Avropa Parlamentinin üzvü Maksimilian Krah üçün çalışdığı bildirilib.
Dünən Almaniyada 3 nəfər Çin xüsusi xidmətinə casusluqda ittiham olunaraq saxlanılıb.
