Airbnb mülklərdə təhlükəsizlik kameralarını qadağan etdi
Onlayn rezervasiya və yaşayış təmin edən ABŞ-da yerləşən "Airbnb" ev sahiblərinə qapalı yerlərdə təhlükəsizlik kameralarından istifadə etməyi tamamilə qadağan etdiyini açıqlayıb.
"Airbnb"dən verilən açıqlamada şirkətin təhlükəsizlik kameraları ilə bağlı siyasətini yenilədiyi bildirilib.
Açıqlamada "Airbnb"də bütün yaşayış yerləri siyahılarında qapalı məkan təhlükəsizlik kameralarının qadağan edildiyi, açıq hava kameraları və digər cihazların istifadəsi ilə bağlı daha əhatəli qaydaların tətbiq edildiyi bildirilib.
Əvvəllər təhlükəsizlik kameralarına sifarişdən əvvəl göstərildiyi və aydın göründüyü müddətcə qonaq otağı və ya dəhliz kimi ictimai yerlərdə icazə verilirdi.
Şirkətin yeni siyasətinə əsasən aprelin 30-dan etibarən yalnız qapı zəngi kimi açıq kameralara icazə veriləcək.
Bəyanatda vurğulanıb ki, təhlükəsizlik kameraları ilə bağlı qaydaların sərtləşdirilməsi "Airbnb"də qeyd olunan yerləşdirmə yerlərinin kiçik bir hissəsinə təsir edəcək.
Daha əvvəl beynəlxalq mətbuatda "Airbnb" qonaqlarının yaşayış yerlərində təhlükəsizlik kameraları tapdıqlarına dair xəbərlər yayılmışdı.
Açıqlamada həmçinin vurğulanıb ki, 30 apreldən sonra şirkətin yeni siyasətinin pozulması halında yerləşdirmə və ya host hesabları platformadan silinə bilər.
