Xoruldayan qonşusunu qətlə yetirdi
ABŞ-da qonşusunun xoruldamasından narahat olan Kristofer Ceyms Keysi ona burnunu əməliyyat etdirmək üçün vəsait təklif edib. Lakin qonşu onun təklifini qəbul etməyib. Buna görə Kristofer qonşusu Robert Uollesi bıçaqlayaraq öldürüb.
Hadisə Pensilvaniyada baş verib. 55 yaşlı Kristofer Ceyms Keysi qonşusu 62 yaşlı Robert Uollesi yüksək səslə xoruldamasından narahat olduğu üçün bıçaqlayaraq öldürüb.
İki qonşu arasında xəsarətlə nəticələnən mübahisədən sonra Keysi həbs edilib.
Məhkəmədə Keysi aralarında 18 aydır davam edən şəxsi mübahisədən danışaraq, iki iqamətgahın ümumi divarının olduğunu və Uollesin yüksək səslə xoruldayan olduğunu söyləyib.
Hadisə baş verən gün Keysi bildirib ki, pəncərədən təxminən 20 dəqiqə danışdıqdan sonra xoruldamasına kömək etmək üçün Uollesin burnunun əməliyyatı üçün pul ödəməyi təklif edib. Uollesin ona hücum etdiyini deyən Keysi özünü müdafiə etdiyini bildirib.
Məhkəmə sənədlərində bildirilir ki, Keysi Uollesin sinəsindən hərbi tipli bıçaqla bir neçə dəfə bıçaqlayıb.
Prokurorlar bildiriblər ki, Keysi üçüncü dərəcəli qətl, könüllü adam öldürmə və cinayət alətlərinə sahib olmaqda ittiham olunur.
