Əziz Orucova əlavə ittiham verildi
“Kanal 13” internet televiziyasının rəhbəri Əziz Orucova əlavə ittiham elan olunub.
Bu barədə onun vəkili Bəhruz Bayramov məlumat verib.
Vəkil deyib ki, Ə.Orucova Cinayət Məcəlləsinin 206.3.2-ci (qaçaqmalçılıq-qabaqcadan əlbir olan bir qrup şəxs tərəfindən törədildikdə) maddəsi ilə əlavə ittiham iraəli sürülüb.
Qeyd edək ki, Əziz Orucov ötən ay əvvəl həbs edilib. Kanal rəhbəri ilk olaraq Cinayət Məcəlləsinin 188.2-ci (torpaq üzərində mülkiyyət, istifadə və ya icarə hüququnu pozma) maddəsi ilə ittiham olunub.
