Pakistanda havanın çirklənməsinin qarşısını almaq üçün süni yağış yağdırılacaq
Pakistanın Pəncab əyalətində havanın çirklənməsini azaltmaq üçün süni yağışın yaradılması planlaşdırılır.
AFN.az yerli mediaya istinadən xəbər verir ki, Pakistan hakimiyyəti Pəncabın Lahor şəhərində artan hava çirkliliyi ilə mübarizə üçün müxtəlif tədbirlər görüb.
Tədbirlər çərçivəsində noyabrın 28 və 29-da Lahorda süni yağışın yaradılması üçün lazımi hazırlıqlara başlanıldığını açıqlanıb.
Bu arada, Lahorda bütün məktəblərin şənbə günləri bağlanacağı, bazar və bazarların saat 15.00-dan sonra açılacağı qərara alınıb.
Pəncabda noyabrın 8-də havanın çirklənməsinin yüksək olduğu ərazilərdə 4 günlük tətil elan edilib.
Hava keyfiyyəti dəyərlərini ölçən İsveçrə texnologiya şirkəti IQAir tərəfindən paylaşılan məlumatlara görə, hava keyfiyyətinin dəyəri Pəncab əyalətindəki Multanda 470 və Lahorda 214 olaraq qeyd edilib. Bu dəyərlər müvafiq olaraq "təhlükəli" və "çox qeyri-sağlam" kateqoriyalara düşür.
Ümumdünya Səhiyyə Təşkilatının (ÜST) şəhərlərdə havanın keyfiyyəti ilə bağlı hazırladığı təlimatda qeyd olunur ki, PM 2,5 səviyyələri (diametri 2,5 mikrometrdən az olan incə hissəciklər) hər kubmetr üçün 10 mikroqramdan aşağı olmalıdır.
