İran hava hücumundan müdafiə sistemini yeniləyib
İran yeni təhdidləri nəzərə alaraq hava hücumundan müdafiə sistemini yeniləyib.
“Mehr” xəbər verir ki, bunu İranın şimal-şərq hava hücumundan müdafiə zonasının komandanı, briqada generalı Məhəmmədrza Məsumi deyib.
Onun sözlərinə görə, İranın hava hücumundan müdafiəsi istənilən təhlükəni aşkar edə bilir. O əlavə edib ki, əgər aerokosmik təhdidlər sürətlə artırsa, o zaman ölkədə müdafiə texnologiyası da eyni sürətlə inkişaf edir.
Məsumi həmçinin qeyd edib ki, İranın hərbi tərəqqisi yalnız çəkindirməyə yönəlib və qonşuları üçün təhlükə yaratmır.
