İsrail BMT baş katibinin istefasını tələb edir
Oktyabrın 7-də HƏMAS-ın İsrailə hücumuna təkan verən yəhudi dövlətinin Fələstin ərazilərinə nəzarətini davam etdirməsi ilə bağlı bəyanatından sonra İsrail BMT-nin baş katibi Antonio Quterreşin istefasını tələb edib.
"Həmas hücumlarının boşluqda baş vermədiyini də etiraf etmək vacibdir", - Quterreş BMT Təhlükəsizlik Şurasının İsrail və HƏMAS arasındakı müharibə ilə bağlı iclasında bu ifadələri işlədib.
O, Fələstin xalqının 56 ildir boğucu işğala məruz qaldığını qeyd edib:
"Onlar öz torpaqlarının yaşayış məntəqələri və zorakılıqlar tərəfindən davamlı şəkildə tükəndiyini gördülər. Onların iqtisadiyyatı boğuldu, insanları didərgin salındı, evləri söküldü. Onların öz çətin vəziyyətlərinin siyasi həllinə olan ümidləri sönməkdədir”.
Quterreş əlavə edib ki, Fələstin xalqının şikayətləri HƏMAS-ın dəhşətli hücumlarına və bu dəhşətli hücumlar Fələstin xalqının kollektiv şəkildə cəzalandırılmasına haqq qazandıra bilməz.
Quterreşin şərhləri İsraili qəzəbləndirib. BMT səfiri Gilad Erdan onları “şok” adlandırıb və baş katibin istefasını tələb edib. Xarici işlər naziri Eli Koen Quterreşlə görüşü ləğv edib və nazir Benni Gantz BMT rəhbərini “Terror apoloqu” adlandırdı.
“Uşaqların, qadınların və qocaların kütləvi şəkildə öldürülməsi kampaniyasına anlayış göstərən BMT-nin Baş katibi BMT-yə rəhbərlik etməyə layiq deyil. Mən onu dərhal istefaya çağırıram”, - deyə Erdan X mikrobloqunda yazıb.
“İsrail vətəndaşlarına və yəhudi xalqına qarşı törədilən ən dəhşətli vəhşiliklərə rəhm edənlərlə danışmağın heç bir əsası və mənası yoxdur. Söz yoxdur”. Erdan əalvə edib ki, bu sözlər dəhşətli və bölgəmizdəki reallıqdan tamamilə uzaqdır.
Müharibə ilə bağlı görüşlərdə iştirak etmək üçün Nyu Yorka səfər edən xarici işlər naziri Koen Quterreşlə planlaşdırılan görüşü ləğv etdiyini bildirib. Oktyabrın 7-də baş verənlərdən sonra o, yazıb ki, “qərəzsiz yanaşmaya yer yoxdur. Həmas yer üzündən silinməlidir”.
Bu yaxınlarda dar hərbi kabinetin üzvü kimi hökumətə qoşulan Gantz hesab edir ki, bu, BMT baş katibinin terrora göz yumduğu qaranlıq günləridir:
"Tamamilə heç bir şey günahsız mülki insanların öldürülməsinə haqq qazandıra bilməz. İndi tarixin sağ tərəfində durmağın və ya mühakimə olunmağın vaxtıdır. Terror üçün üzr istəyənlər dünya adından danışa bilməz”.
