Ukrayna F-16-ların istismarında hansı çətinliklə üzləşə bilər?
F-16 qırıcısının bir saatlıq uçuşu demək olar ki, 27 min dollara başa gəlir ki, bu da onların istismarı ilə bağlı Kiyev üçün çətinlik yaradacaq.
ABŞ Strateji və Beynəlxalq Araşdırmalar Mərkəzinin (CSIS) baş məsləhətçisi Mark Kansian CNN-in efirində təyyarələrdən istifadə ilə bağlı problemlər haqda danışıb.
O bildirib ki, F-16-larda on minlərlə hissə var və onların yeniləri Ukraynaya təmin edilməlidir. Mark Kansian aydınlaşdırıb ki, F-16-nın bir saatlıq uçuşu üçün 16 saat texniki xidmət lazımdır. Telekanal qeyd edir ki, sovet istehsalı olan qırıcılar belə texniki xidmət tələb etmir.
