İspaniyada sanksiyaya məruz qalan rus iş adamlarının əmlakına həbs qoyulub
İspaniya hakimiyyəti Avropa sanksiyalarına məruz qalan rusiyalı sahibkarlarla əlaqəli olduğu iddia edilən əmlaka həbs qoyub.
AFN.az-ın xəbərinə görə, bu barədə Milli Təhlükəsizlik Departamentinə istinadən "Cadena SER" radiostansiyası məlumat yayıb.
Məlum olub ki, ölkədə Rusiyadan olan iş adamlarının 10 təyyarəsi, 5 yaxtası, 357 yaşayış binası və 22 avtomobili həbs edilib. Eyni zamanda, jurnalistlər sözügedən mülklərin sahiblərinin adlarını açıqlamayıblar. Radiostansiyanın məlumatına görə, saxlanılan yaxtaların ümumi dəyəri 900 milyon avronu (95 milyard rubl) keçir.
