ÜST iqlim dəyişikliyi ilə bağlı təcili birgə fəaliyyətə çağırır
Ümumdünya Səhiyyə Təşkilatının Baş Direktoru Tedros Adhanom Ghebreyesus iyulun rekordların ən isti ayı olmasından sonra iqlim dəyişikliyi ilə mübarizə üçün birgə fəaliyyətə təcili ehtiyac olduğunu söyləyib.
O, Twitter hesabında paylaşım edərək, ən isti iyulun keçdiyini və bu ayın qızmar istilərin, ekstremal təbiət hadisələrinin, meşə yanğınlarının və onların yaratdığı ciddi sağlamlıq problemlərinin şahidi olduğunu bildirib.
"Bu, iqlim dəyişikliyi ilə mübarizə üçün birgə fəaliyyətə təcili ehtiyac olduğunun aydın xatırlatmasıdır" - deyə Qebreyesus qeyd edib O, iqlimlə bağlı tədbirlərlə bağlı cəsarətli addımların atılması lazım olduğunu vurğulayıb: "Birlikdə biz davamlı həll yollarına marağı artıra və gələcək nəsillər üçün daha soyuq, daha möhkəm dünya yarada bilərik".
