Surət Hüseynov Gəncədə dəfn olunacaq - YENİLƏNİB
Bu barədə "Report"un Qərb bürosuna onun yaxınları bildirib.
Xatırladaq ki, S.Hüseynov uzun sürən xəstəlikdən sonra İstanbulda vəfat edib.
***
[h5]Keçmiş baş nazir Surət Davud oğlu Hüseynov Türkiyədə vəfat edib.
Bu barədə "Report"un Qərb bürosuna yaxınları məlumat verib.
Azərbaycanın 4-cü baş naziri uzun sürən xəstəlikdən sonra Türkiyədə xəstəxanada dünyasını dəyişib.
"Report"un Türkiyə bürosunun İstanbuldakı mənbədən aldığı məlumata görə, keçmiş baş nazir İstanbulda Başakşehir Çam və Sakura Xəstəxanasında reanimasiya şəraitində müalicə olunub, koma vəziyyətində olub. Oğlu Nail Hüseynov da xəstəxanada olub.
Qeyd edək ki, 1959-cu ildə Gəncədə anadan olan S.Hüseynov uzun illərdir Azərbaycandan kənarda yaşayırdı. O, 1993-cü il iyununda baş nazir vəzifəsinə təyin edilib, 1994-cü il oktyabrın 7-də isə vəzifəsindən uzaqlaşdırılıb.
