Pakistanda musson yağışları nəticəsində ölənlərin sayı 113-ə çatıb
İyunun 25-dən bəri Pakistanda güclü musson yağışları nəticəsində həyatını itirənlərin sayı 113-ə yüksəlib.
Geo News televiziyasında yer alan xəbərə görə, Hayber Paxtunxvanın Mansehra və Çitral bölgələrində yağan yağışlar həyata mənfi təsir edib.
Yağışların yaratdığı fəlakətlər və qəzalar nəticəsində Hayber Paxtunxva bölgəsi olan Mansehrada 5 nəfər həyatını itirib.
Yağışlar nəticəsində Çitral və Sandur birləşdirici yolunun yarım kilometri zədələnib. Aşağı Çitral ilə Yuxarı Çitral arasındakı əlaqə yolun olmaması səbəbindən kəsilib.
Ştatda çoxlu evlər dağılıb, avtomobillər su altında qalıb və əkin sahələrinə ziyan dəyib.
Pəncab əyalətinin paytaxtı Lahorun Misri Şah Məhəlləsində 2 uşaq seldə boğularaq, Mandi Bahauddin bölgəsində isə 2 qadın evlərinin damının uçması nəticəsində həyatını itirib.
Ştatın Pakpattan bölgəsində 1-i uşaq olmaqla 3 nəfəri elektrik cərəyanı vurub.
Son 48 saatda leysan yağışları nəticəsində ölənlərin sayı daha 12 nəfər olmaqla ölkədə 25 iyundan bu yana ölənlərin sayı 113-ə yüksəlib.
