İşdə yuxunuz gəlirsə, gülməli videolara baxın
Gülməli videolara baxmaq yuxusuz bir gecədən sonra işdə şənlənməyə kömək edir.
AFN.az xarici mediaya istinadən xəbər verir ki, bu barədə irlandiyalı təşkilati davranış professoru Vladislav Rivkin bildirib. O bildirir ki, Almaniya və ABŞ-dan olan həmkarları ilə birgə "Work & Stress" elmi jurnalında dərc etdirdikləri araşdırmanın nəticələri göstərir ki, gülməli videolara baxmaq işçilərin iş qabiliyyətini artırır. Professor həmçinin qeyd edib ki, müsbət emosiyalar müştərilərin əhval-ruhiyyəsi olmayanda onlara gülümsəmək kimi iradə gücü tələb edən öhdəlikləri yerinə yetirmək zərurəti ilə əlaqədar stressi azaldır.
Alim qeyd edib ki, yuxulu işçilər iradə tələb edən istənilən tapşırıqları yerinə yetirdikdə daha çətin olur. O, yuxusuz gecədən sonra çətin işlərlə məşğul olmamağı və ya bundan qaçmaq mümkün deyilsə, səhər saatlarında bunu etməyi tövsiyə etdi. Fəaliyyəti yaxşılaşdırmaq üçün başqa bir strategiya könüllü hərəkət tələb edən vəziyyətlər yaratmamaqdır. "Əgər pəhriz saxlayırsınızsa, mətbəx şkafını hər dəfə açanda ondan imtina etməkdənsə, heç şokolad almamaq daha asandır" - deyən elm adamı fikrini sadə şəkildə belə izah edib.
