Sanki İslam dininə yox, İran dininə xidmət edirik kimi yanaşmalar var - ŞƏRH
İranla gərgin münasibətlərimiz dini görüşlərimizə, baxışlarımıza təsirsiz ötüşmür. Sanki İslam dininə yox, İran dininə xidmət edirik kimi yanaşmalar var.
AFN.az xəbər verir ki, bunu Kamillik Vətəndaşların Hüquqi Maarifləndirilməsi İB-nin sədri Niyaz Niftiyev deyib. O, qeyd edib ki, bu vəziyyət İrana və onun milli diversantlarına sərf edir: "Hacı Şahinin dəfn mərasimindəki izdihamdan sonra vəziyyət daha da gərginləşib. Bəzi statuslarda Həcc mərasiminin əhəmiyyətsizliyi, allahsızlıq daha çox təbliğ olunur. 3-4 gün sonra mübarək Ramazan ayının daxil olacağını nəzərə alsaq vəziyyətin daha da gərginləşəcəyini təsəvvür etmək çətin deyil. Bu dəfə hədəfdə oruc tutanlar olacaq. Dostlarımız ya bilərəkdən belə danışır, ya da bilməyərəkdən. Hər iki halda danışırlar və bu heç də yaxşı əlamət deyil".
