Slovakiya Rusiyanı terrorçu dövlət kimi tanıdı
Slovakiya hakimiyyəti Rusiya Federasiyasını terrorizmin sponsoru kimi tanıyıb.
AFN.az yerli mediaya istinadən xəbər verir ki, ölkənin Milli Şurası bir daha Rusiya Federasiyasının müharibəsini pisləyib və Ukraynanın müstəqilliyi, suverenliyi və ərazi bütövlüyünü dəstəklədiyini bildirib.
Fevralın 16-da deputatlar Rusiya Federasiyasının Ukraynaya qarşı genişmiqyaslı müharibəsini, mülki obyektlərə və enerji infrastrukturuna hücumlarını pisləyən qətnamə qəbul ediblər. Sənəddə Rusiya rejiminin terrorçu rejim olduğu, Rusiya Federasiyasının isə terrorizmin dövlət himayədarı olduğu bildirilir.
Bundan əlavə, siyasətçilər Moskvanın nüvə silahından istifadə ilə hədələrini pisləyiblər. Slovakiya da Rusiyanın Ukraynanın Donetsk, Luqansk, Xerson və Zaporojya vilayətlərində keçirilən referendumunu tanımaqdan imtina edib və bu ərazilərin Ukraynanın bir hissəsi olduğunu vurğulayıb.
M.Vahidli
