Ağacların dibi asfaltdan təmizlənib
Suraxanı rayonu, Sakit Qocayev və Əhməd Mehbalıyev küçələrində ağacların dibinin asfaltlanması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb.
AFN.az-ın xəbərinə görə, Xidmət rəsmisi Qafar Ağayev bildirib ki, 11 saylı Regional Ekologiya və Təbii Sərvətlər İdarəsinin əməkdaşlarının nəzarəti altında ağacların dibi Bakı şəhər Yaşıllaşdırma Təsərrüfatı Birliyinin işçiləri tərəfindən asfaltdan təmizlənib və onlara aqrotexniki xidmət göstərilib.
“Gələcəkdə belə hallara yol verilməməsi üçün Suraxanı Rayon İcra Hakimiyyətinə və Bakı Şəhər Yaşıllaşdırma Təsərrüfatı Birliyinə müraciət olunub”.
