İki qardaş tüfəngdən açılan atəşlə öldürüldü - Həmin anlar kameralara düşüb
Türkiyədə, Adananın Kozan rayonunda silahlı davada tüfənglə vurulan iki qardaş ölüb.
AFN.az Anadolu-ya istinadən xəbər verir ki, 37 yaşlı Vahit Kara ilə qardaşı 28 yaşlı Emrah Kara və şəxsiyyəti hələlik müəyyən edilməyən şəxslər arasında dava düşüb. Bu şəxslərin tüfənglə açdığı atəş nəticəsində yaralanan iki qardaş xəstəxanaya aparılsa da, edilən müdaxilələrə baxmayaraq, xilas etmək mümkün olmayıb.
Polis hadisədən sonra qaçan şübhəlilərin tutulması üçün işlərə başlayıb.
