Fətullah Gülənin qardaşı qızı saxlanıldı
Türkiyə sərhədçiləri qeyri-qanuni yolla Yunanıstana keçməyə çalışan Fətullahçı terror təşkilatının (FETÖ) üzvlərini saxlayıb.
AFN.az xəbər verir ki, bu barədə məlumatı Türkiyənin Müdafiə Nazirliyi yayıb.
Xəbəri rus dilində oxuyun: Шапка, которая привлекла внимание Ильхама Алиева... - Видео
Saxlanılanlar arasında təşkilatın lideri Fətullah Gülənin qardaşı qızı Sümeyya Gülən də var.
“Sərhəd bölmələrimiz tərəfindən qeyri-qanuni yollarla Yunanıstana keçməyə çalışan 10 nəfər saxlanılıb. Aparılan araşdırma zamanı məlum olub ki, onlardan 5-i FETÖ terror təşkilatının üzvüdür. Onlar arasında terrorçuların rəhbəri Fətullah Gülənin qardaşı qızı Sümeyya Gülən də var”, - deyə məlumatda qeyd olunub.
Qeyd edək ki, Fətullah Gülən 2016-cı ilin iyulunda dövlət çevrilişinə cəhddə iştirak etməkdə ittiham olunur. Gülən hazırda ABŞ-da yaşayır.
