Tanınmış şahmatçımız Ukraynaya görə FİDE yarışlarından imtina etdi
Azərbaycan şahmatçısı Rauf Məmmədov Beynəlxalq Şahmat Federasiyasının (FİDE) bayrağı altında yarışlarda iştirakdan imtina edib.
Bu barədə o, feysbuk hesabında məlumat verib.
Qrossmeysterimiz bu addımı Rusiyanın Ukraynaya hücumuna görə atdığını bildirib. Məmmədov FİDE-nin prezidenti Arkadiy Dvorkoviçi Rusiyapərəst adlandırıb: “Nə qədər ki, FİDE-nin prezidenti Rusiyapərəstdir, müharibə müddətində bu turnirlərdə iştirak etməyəcəm”.
Qeyd edək ki, Məmmədovun həyat yoldaşı ukraynalı şahmatçı Natalya Buksadır.
