“Antiböhran tədbirləri həyata keçiririk” - “Space” TV-nin rəhbəri
“Hazırda uzun illər “Space”də çalışan əməkdaşların və çağırışımıza səs verən peşəkarların işbirliyi sayəsində antiböhran tədbirləri həyata keçiririk”.
Bu sözləri “Space” TV-nin rəhbəri, Əməkdar incəsənət xadimi Müşfiq Hətəmov feysbukda yazıb.
Hətəmov bildirib ki, ilk olaraq kritik vəziyyətdən çıxmaq üçün fəaliyyətlərinə mane olan problemlər aradan qaldırılır: “HD yayıma tam keçid, yüksək zövqlü efir tərtibatı və tanıtım çarxları, “Sənədli filmlər” və “Eksperimental layihələr” studiyalarının qurulması işləri yekunlaşmaq üzrədir. Paralel olaraq imkanlarımız daxilində fərqli təqdimatda, yeni əhval-ruhiyyədə TV proqramlarını tamaşaçılara təqdim etmək üçün ciddi fəaliyyət başlayıb və həmin proqramların bir neçəsi artıq yayıma buraxılıb”.
Qeyd edək ki, bu gün “Space” telekanalının 24 yaşı tamam olur.
