“Azərbaycanda varıq, olmağa da davam edəcəyik” - Ərdoğan
“Bəli, biz Liviyada varıq, Azərbaycanda, Suriyada varıq, Şərqi Aralıq dənizində də varıq, olmağa da davam edəcəyik”.
“Qafqazinfo” xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
“Özümüz, dostlarımız və bütün insanlıq üçün daha təhlükəsiz, daha hüzurlu və daha ədalətli bir dünya qurmağın mübarizəsini aparırıq. Bizə nə dedilər? Kimlərin dediyini bilirsiniz. Suriyada nə işiniz var? Liviyada nə işiniz var? Qarabağda nə işiniz var? Şərqi Aralıq dənizində nə işiniz var? Bunu deyənlər ya dünyadan xəbərsizdir, ya da düşmənin qılıncını çəkməkdədir”, - deyə Ərdoğan qeyd edib.
