ABŞ əlavə olaraq 100 milyon doz vaksin alır
“BioNTech/Pfizer” ABŞ-a daha 100 milyon doz koronavirus vaksini verəcək.
“Qafqazinfo”nun xəbərinə görə, bu barədə “Anadolu” agentliyi məlumat yayıb.
“BioNTech/Pfizer”dən bildirilib ki, ABŞ hökuməti vaksindən 100 milyon doz alıb:
“ABŞ-la daha əvvəl əldə edilmiş razılaşmaya əsasən, qərarlaşdırılan 200 milyon doz vaksindən əlavə 100 milyon doz da tədarük edilə bilər. Bununla ABŞ-a 300 milyon doz peyvənd satılmış olacaq”.
Qeyd edilib ki, ABŞ hökuməti yeni alınan vaksinlər üçün 1,95 milyard dollar ödəyəcək.
Bununla ABŞ, ümumilikdə, 600 milyon doz koronavirus peyvəndi almış olacaq.
